Kelainan

Para muslimin dan muslimat ditanah air,badak sumbu,ambuk,hayam sigun Haji Saban dan semua pembaca yang budiman,musim2 pacah miani ani yatah membarinya kan blogging inda betantu ni.....bisai pakah kana bacau2 jual minyak bahasa melayu ani. Sekali sekala nyamu...

upon punduk2 didalam library skulah antaie macam itik bepikir pasal isu2 semasa,tadi pagi sekulah macam biasa hari2 ada perkataan yang baru didangar dan cara penyampaian atu belainan supaya membentukkan pembaharuan nya urang macam menyabut "seratus" misti di alun lagi supaya bisai bunyinya,"seratuuuuu~~~SssssS" menyabut "gila" jadi 'Gleaaa~~"(nya si judin)walaupun nda menarik bagi sebilangan urang. Tapi setiap perkataan yang di ubah suai atu membawa makna yang mendalam (weseh~baru ya tunas bangsa kau atu pis!mcm forestpig)


kitani jangkau isu2 yang ada masane lah,sebagai contoh,isu "POKLEN". ucapan poklen ani makin meleluasa hingga timbul golongan2 yang anti kan urang2 yang di panggil poklen ani.....kitani selidiki apa makna poklen ani?Asal usul poklen ani kalau disabut lurus2 bunyinya "FOLK-LAND" ertinya tanah urang tua2. Siapakan banarnya yang menyebar kan perkataan ani?cubatah ketani pikirkan,macam mengucap urang2 tua kitani jua tu,yang mana usulnya nda jua lari dari kampung2 atu pakah ahhh....kebanyakan urang anti kan urang poklen ani pasal dianggap orang2 kampung yang begaya labih2 nda usai usulnya macam kucing kana randam acid,mbari watir luan2 lah usulnya,mbari kan menampiling gnya inda!!!!

urang pulang cakap tu,bukan aku~~~

tapi kalau dipikirkan,matlamat "labelling" ani nda jua membawa durang kemana2. Baik pulang disadarkan bisai ah?Batah2 ani urang nda beranti belawan bebahas pasal apa yang urang2 "poklen" ani buat arah masyarakat kitani,seperti mencemari jenama2 tertentu yang daulu pernah diminati ramai seperti "FUBU" "SPITFIRE" "NY" "WU-TANG" dan yang sewaktu dengannya (kesian bsdia ani nda lagi laku dBonai...)

tapiiii~~kan dipikirkan bisdurang ani mun nada di kawasan2 tertentu *tampat2 besarang bsdia mcm dyayasan masane migrate sudah ke mall* buring tia nada kan di kritik2 cara bsdia bepakaian apa atu,bukan nya ku becakap aku ani pandai berabis dalam fesyen,BUKAANN....
maksudku atu,kalau bepakaian ani...sadang2 saja~jangantah kan di ikut luan2 urang putih atu,sampai skirt sejangkal gnya dipakai mun rabah dtangah2 mall atu,rezeki eh hawwueyh~tarang mata tu yow o.O

mun bisai usul mata meliat bisdia ani behapa tah urang kan di ucap.

p.s:kritik ku lapas ani padas sikit,sori kalau terasa~ ^^,

kamu tau apa yang ku inda suka?cuba kamu bayangkan kamu be msn sama galpren kamu siuk2,ada taya jelama ani meng add "pwencezz-akukiutkematie@hotmail.com" *jgntah di add,nda ujud ni email ah* perangaiku kalau urang baru add aku,slalu ku tungu bsdia yang menagur,lapas dua tiga ari smenagur tia,tapi caranya menagur paling mahal buii~

"sHafa Ne?mNa dPat eMaiLqu?"

-kau jua add aku....

"aHakZ,yakaA?aDuy,LuPa qu VaAh~"

-ani siapa ah?

"cPa sJa Qo MaU xDxDxDxDxD~~~~kEkekKE~"

-haha!

*You are unable to send messages because you have blocked this person*

bukan nda membagi peluang kan berkenalan ah....ganya membari sanak bah mun udah bapuluh2 kali menahan rasa ani melayan kurapak bsdia ani nyamu...udahnya nicknya mbari sakit ati,ada tia lagi inda pehawar atu minta transfer kredit...falooooiiiii~ bukan boiprenmu ni kan ko kikis dang....

sebelum penyelewengan topic ini berleluasa,saya ingin mengucapkan selamat berjaya didalam kehidupan bagi orang2 yang balum sadar kan teori2 yang dibuat oleh urang muda2 masani tentang kehidupan kitani ani,dan semoga Allah menyadarkan kamu semua....

bah atu tah saja yo ah.....and no offence to anyone.:D kalau kamu marah poklen kamu tu~~

urang pulang cakap tu,bukan aku~~~


//therefore;bisuk2 ku menyambung lai...